للمبتدئين : طرق توصيل اسلاك الانترنت فى الشبكات السلكية وطرق تفادى مشاكل التوصيل
ومن الانواع المنتشرة مايسمى cat5 و cat6
الاسلاك من النوع cat6 هو من اجود واغلى الانواع حيث يتراوح متوسط سعر المتر10 جنيه وقليل من يستخدم هذا النوع لارتفاع سعره
اما النوع الثانى والمنتشر هو ما يسمى بـ cat5 ويتراوح سعر المتر من 20 قرش حتى 75 قرش للمتر حسب جودته
وتعتمد جودة سلك الانترنت على عاملين هما
الاول : نسبة النحاس فى السلك ويمكن اختبار نسبة النحاس فى السلك عن طريق تقشير جزء صغير وتقريب مغناطيس قوى منه اذا التصق السلك بالمغناطيس فهو ليس بنوع جيد
العامل الثانى : خامة الغلاف الخارجى كلما كانت طرية ومرنة كلما كان السلك افضل حيث ان كثير من الانواع المنشرة من الاسلاك عند تعرضها للشمس لفترات طويلة بتنشف وتتقصف
ما فائدة استخدام نوع جيد من الاسلاك
اولا: العمر الافتراضى للسلك حيث ان الانواع الجيدة عمرها اطول فى حالة مدها فى الشوارع
ثانيا : كلما كان السلك من نوعية جيدة كلما اتاح لك تمديد مسافة اطول بدون استخدام سوتش حيث ان متوسط المسافة التى يتطلب وضع سوتش عند تمديد السلك هى 100 متر ولكن توجد انواع جيدة تسمح بتمديد حتى 150 متر او 200 متر بدون سوتش
طريقة تأريج السلك او تركيب RJ45
يوجد طريقتين
الاولى : وهى الطريقة المنشرة وتسمى ستريت straight
وهى ببساطة الالوان اللى هتشتغل عليها من طرف السلك الاول هى بظبط اللى هتعملها فى الطرف التانى من السلك
لكن فى الوان نتعارف عليها الكل بيمشى عليها وهى من الشمال
ابيض برتقالى
برتقالى
ابيض اخضر
ازرق
ابيض ازرق
اخضر
ابيض بنى
بنى
الطريقة التانية ودى مهم قوى تكون عارفها
الطرف الاول من السلك هتعملو عادى خالص على نفس ترتيب الوان الطريقة الاولى
اما الطرف التانى هيكون بترتيب الالوان دى من الشمال
ابيض اخضر
اخضر
ابيض برتقالى
ازرق
ابيض ازرق
برتقالى
ابيض بنى
بنى
والطريقة دى بتستخدم فى حالة انك تمد الاسلاك لمسافة طويلة او عند التوصيل من سوتش لسوتش
سلك النت عبارة 8 اطراف
الاطارف المستخدمة فى توصيل الانترنت هما 4 اطراف فقط
الل هما من الشمال
1و2و3و6
وباقى الاطراف بتكون مهملة عشان كدة فى ناس بتستغل الاطراف المهملة فى توصيل حاجة تانية
زى توصيل الكهرباء لسوتش مثلا
ولكن لا انص بها لان سلك الانترنت ضعيف بالنسبة للتيار الكهربى
Post a Comment