بكل بساطة تقدر تعمل اعدادت الراوتر وتركبو تابع الشرح
عملاء اتصالات الجدد لو حابب تركب وتشغل الراوتر بنفسك
من غير زيارة منزليه من الشركة
اليك الخطوات من البداية
- بعد استلام الراوتر من الشركة او الموزع هتقوم بتركيب الراوتر وتوصيله
بخط التليفون الارضى
- لو مش تستخدم التليفون الارضى فى المكالمات يبقى وصل الخط مباشرة على الراوتر
لو هتشغل التليفون الارضى مع الراوتر فى وقت واحد يبقى لازم تركيب القطعة الصغيرة اللى موجودة مع الراوتر اسمها (سبلتر)
- الاسبلتر فيه 3 فتحات ناحية فيها فتحة واحدة ودى هتركب فيها خط التليفون الرئيسى وناحية فيها فتحتين واحدة مرسوم عليها تليفون اوسماعة تليفون ودى هتوصل عليها عدة التليفون الارضى والفتحة التانية مرسوم عليها شكل كمبيوتر ودى اللى هتوصل عليها الراوتر
- الخطوة اللى بعد كدة هتتصل بالشركة على رقم 16511 بشرط انك تتصل من التليفون الارضى اللى عليه الخدمة او رقم الموبيل بتاعك المسجل فى العقد مع الشركة
تتابع الرسالة الصوتية لحد ما تختار الدعم الفنى
- هيرد مهندس من الدعم الفنى وهيساعدك وهيشغلك الخدمة
Post a Comment